முஸ்லிம் சமுதாயத்தில் யார் உருவாக வேண்டும் என்று கடந்த 25 ஆண்டுகளாக இடைவிடாமல் வலியுறுத்தி வருகிறோமோ, அவர்கள் தமிழ்நாடு முஸ்லிம் கல்வி இயக்கம் நடத்தும் ஜாமிஅத்துல் ஹிக்மா அரபிக் கல்லூரியிலிருந்து ஆரவாரமின்றி உருவாகி வருகின்றனர்.
அல்ஹம்துலில்லாஹ்… இந்த பயணம் அமைதியாக இருந்தாலும், அதன் பலன் ஆழமாக சமூகத்தில் பதிந்து வருகிறது. அறிவு, ஒழுக்கம் மற்றும் சமூகப் பொறுப்பு ஆகியவற்றை ஒருங்கிணைத்த தலைமுறையை உருவாக்கும் இந்த முயற்சி பாராட்டத்தக்கது.
இன்னும் வெகுதூரம் கடக்க வேண்டியுள்ளது. நமது இலக்குகள் பெரியவை; அதற்கு தொடர்ச்சியான உழைப்பு, திட்டமிட்ட கல்வி முயற்சிகள் மற்றும் உயர்கல்வி ஆராய்ச்சியில் தீவிர ஈடுபாடு அவசியம். இலக்கு நிர்ணயிக்கப்பட்ட உயர்கல்வி ஆராய்ச்சியால் மட்டுமே முஸ்லிம் சமூகத்தின் நிலையை மாற்றி அமைத்திட முடியும் என்பது மறுக்க முடியாத உண்மை.
எனவே, உங்கள் முஹல்லாக்களில் கல்விப் பணிகளை துவங்குங்கள். சிறுவர் கல்வி மையங்கள், வழிகாட்டும் வகுப்புகள், உயர்கல்வி ஆலோசனைகள் போன்ற முயற்சிகளை ஆரம்பித்து, அடுத்த தலைமுறைக்கு அறிவின் பாதையை திறந்திடுங்கள்.
அல்லாஹ் இந்த முயற்சிகளை கபூல் செய்து, மேலும் வளர்ச்சி வழங்க துஆ செய்யுங்கள்.